بلح الشام المقرمش الجميل

[center]ازيكم يا بنات
انا جايبة لكم النهاردة مقادير بلح الشام هى فيها حاجات مختلفة شوية
بس كل اللى يدوقه عندى لازم يطلب مقاديره من قرمشته وهششانه
ندخل على المقادير
1 كوب ماء
ربع كوب زبدة او زيت
كوب ونصف دقيق
ربع معلقة صغيرة ملح
معلقة كبيرة دقيق سميط بتاع البسبوسة
4 بيضات
1|8 معلقة صغيرة كربونات صوديوم (كربوناتو) اوعى تزوديه عن كده


طبعا فيه حاجات غريبة فى المقادير زى دقيق البسبوسة ده بقى سر قرمشته الجميله والكربوناتو سر الهششان
واوعى تحطى سكر فى العجينة لان السكر بيلونه بسرعه فى الزيت ويسويه بسرعة وده غلط طبعا
حنحط الماء والزبدة على الناروالملح لغاية لما يغلوا

بعد كده حنضيف الدقيق والسميد والكربوناتومرة واحدة مع التقليب بسرعة لغاية لما
يتكون عجين ما يلزقش فى الحلة

بعد كده نسيبه يبرد تماما وبعدين نضيف البيض بيضة بيضة ومانضيفش التانيه
الا لما الاولى تختفى تماما وطبعا نضيف فانيليا

بعد كده حنحط العجينة فى كيس بلح الشام ونشكله طبعا لازم نحطه فى الزيت وهو لسه دافى وديه مهمة جدا يعنى الزيت ما يبقاش سخن
وبعد ما نحطه نوطى النار عليه خالص ويستوى على الهادى علشان يبقى مقرمش مستى كويس من جوه




بعدمايتلون كويس اوى اوعوا تطلعوه من الزيت فاتح علشان ما يطراش بعد كده
نحطه على طول فى شربات سميك وبارد من التلاجة ولازم يكون سميك وساقع علشان بلح الشام يحتفظ بقرمشته
مقادير الشربات كوب ماء,2 كوب سكر,عصير نصف ليمونة,فانيليا وماء ورد وقرفة عيدان [/center]